Coronavirusi gjeneza e së cilës pretendohet të jetë në Kinë ka alarmuar çdo person kudo në botë. Frika nga kjo sëmundje ka bërë që i gjithë kampionati i futbollit dhe sporteve të tjera në Kinë për këtë sezon të ndalohen.
Alarmi ndaj këtij virusi ka prekur edhe Botërorin e Formula 1, nga ku bëhet me dije se drejtuesit e këtij kampionati janë në dyshim për zhvillimin e Çmimit të Madh të Kinës në pistën e Shanghait më 19 prill të këtij viti.
Ndaj ditën e mërkurë Grupi Strategjik i Formula 1 do mblidhte për të diskutuar këtë situatë dhe për të vendosur në lidhje me garën që duhet të zhvillohet në Kinë.
Gara e parashikuar të zhvillohej në mars në ishullin kinez të Sanya u bë e ditur se është anuluar dhe tashmë rrezikon dhe gara tjetër.
Kreu i Red Bull, Christian Horner tha për Reuters se beson në vendimet e organeve drejtuese të Formula 1 dhe ka theksuar se kjo situatë po vëzhgohet me kujdes.
Ndërkohë bëhet me dije se nuk do të ketë një shkëmbim datash mes çmimit të Madh të Kinës me atë të Rusisë, i cili planifikohet të jetë i fundit në kalendar dhe do zhvillohet më 27 shtator./Fjala.al/
