‘Të hetohet pasuria e Saimir Tahirit’, PD hedh akuza të forta për qeverinë

113 563 lexime

124,178FansaPëlqeje

Sekretari i Çështjeve Ligjore Ligjore në PD, Çlirim Gjata ka hedhur akuza të rënda përsa i përket ligjit anti-KÇK ku sipas tij është thjesht një akt tjetër propagande për të mashtruar ndërkombëtarët.

Gjata nuk ka lënë pa përmendur edhe rastin e Saimir Tahirit ku është shprehur se Rama po mbron ish-ministrin që kanabizoi Shqipërinë. Deklarata e tij është përqendruar te trafiku i drogës duke përmendur edhe Edmond Begon, të cilin e konsideron mik të Taulant Ballës.

Sipas tij, sondazhet tregojnë se shqiptarët nuk i besojnë Edi Ramës dhe se ky ligj po bëhet sa për sy e faqe pasi ndërkombëtarët i kërkojnë qeverisë luftë reale ndaj krimit të organizuar për të nisur negociatat e anëtarësimit të Shqipërisë në Bashkimin Europian.

Deklarata e plotë e Sekretarit për Çështjet Ligjore në PD, Çlirim Gjata:

Edi Rama nuk ka ndërmend të luftojë krimin e organizuar, pasi ai është vetë krimi i organizuar.

Ai është trafikanti që mbolli Shqipërinë me kanabis dhe nuk u kap kurrë nga policia, është i dënuari që drejton trafikun nga burgu dhe merr tendera e koncesione nga qeveria e Ramës, është krimineli që blen vota dhe kërcënon votues për Edi Ramën pa u ndëshkuar nga ligji.

Pas Edmond Begos, mikut trafikant të Taulant Ballës, Saimir Tahiri është shembulli tjetër i dështimit të Edi Ramës dhe i standardeve të dyfishta që përdor ai.

Në vend që të bëjë qesharake policinë e Shtetit me operacione të sajuara keq, Edi Rama duhet ta lejojë policinë e tij të vendosë në shënjestër pasurinë e Saimir Tahirit.

Ish ministri i tij i brendshëm,  i cili ka hyrë në histori për kanabizimin e Shqipërisë, është një nga subjektet ideale të ligjit propagandistik të Edi Ramës.

Lexo edhe :  “Rama-Basha gili-vili çdo ditë”, Berisha: U riktheva në politikë për shkak të…

Saimir Tahiri akuzohet për trafik droge nga drejtësia, bën një jetë luksoze me rrogë shteti, hap biznese të reja, madje i sfidon të gjithë duke paguar 20 mijë dollarë për lobim në Shtetet e Bashkuara të Amerikës.

Sondazhet tregojnë se shqiptarët nuk i besojnë Edi Ramës dhe e dinë se i ashtuquajturi ligj anti-KÇK, është një akt tjetër propagande për të mashtruar ata dhe ndërkombëtarët, të cilët  i kërkojnë qeverisë luftë reale ndaj krimit të organizuar për të nisur negociatat e anëtarësimit të Shqipërisë në Bashkimin Europian.

Edi Rama nuk ka ndërmend të luftojë krimin e organizuar, pasi ai nuk e lejoi policinë të sekuestrojë pasurinë e trafikantit të drogës Edmond Bego, mik i kriminelit të rrezikshëm Aldo Bare dhe mik i numrit 2 të Partisë Socialiste, Taulant Balla.

Njësoj ka për të vepruar edhe me Saimir Tahirin, sepse Saimir Tahiri e mban peng megjithçka di për lidhjet e Edi Ramës me krimin e organizuar.

Edi Rama ka ndërmend të bëjë vetëm show me një grup policësh, të keqpërdorur dhe të tradhtuar në këto 6 vjet prej paktit të bashkëqeverisjes së Edi Ramës me krimin e organizuar./Fjala.al

Të fundit

Aktorja e madhe Tinka Kurti në shtëpi të moshuarish: ishte vendimi im

Aktorja e mirënjohur shqiptare, Tinka Kurti, po jeton aktualisht në një shtëpi për të moshuar në periferi të Tiranës. Lajmi...

Për ata që nuk u vranë në Tropojë

Nga Frrok Çupi Kjo ka mbetur tani pas vrasjeve në Tropojë: Cili prej këtyre të PD të shpëtojë për vete! Të shumtët kanë shpëtuar dhe janë...

“Keni mbështetjen tonë për grup kapitujt”, Kallas: E ardhmja e Shqipërisë është në BE

Shqipëria është një aleate e Bashkimit Europian. Vendimi për të zbatuar sanksionet ndaj Rusisë tregon përkushtimin tuaj ndaj vlerave të BE e kuptoj se...

Basha i merr gjysmën e elektoratit Berishës, PD pa frymë dhe e përçarë drejt 11 majit

Lulzim Basha po tregon se është surpriza e padiskutueshme e fushatës së 11 majit, duke rrëmbyer zemrat dhe votat e demokratëve. Një sondazh i...

Pastrimi i parave shpërthen në shifra alarmante në Shqipëri

Një valë e re shqetësuese e pastrimit të parave ka goditur Shqipërinë, ku vetëm gjatë vitit 2024 janë raportuar 1,632 raste të dyshimta, një...

Lajme të tjera

Web TV