Skuadra e Partizanit ka prezantuar sot disa pamje nga punimet e stadiumit të tyre, i cili duket se do jetë në përmasa shumë të mëdha.
Në një postim në faqen zyrtare të kampionëve në “Facebook” shkruhet se punimet janë duke vijuar me ritme shumë të shpejta.
“Vijojnë me ritme të shpejta punimet në stadiumin FK Partizani. Aktualisht po përfundojnë sistemimet dhe gjelbërimet pjesë e projektit të stadiumin. Gjithashtu po mbulohet sektori tribunës dedikuar grupimit ultras.
Ka përfunduar kampata betonarme e cila do të mundësojë hyrjen e mjeteve (autobusë dhe makina) në zonën e parkimit të stadiumit. Në tribunën qendrore kanë përfunduar sistemet e kondicionimit, sistemet hidrosanitare , sistemet elektrike dhe janë duke përfunduar vetratat e duralumin”,-shkruhet në postimin e klubit të kuq të kryeqytetit./Fjala.al/
