Papa Françesku është takuar me gruan të cilën e qëlloi për Krishtlindjet e vitit 2019.
Mediat italiane kanë publikuar sot foton ku shihet Papa Françesku duke i dhënë dorën dhe duke u përshëndetur përzemërsisht.
Më 1 janar Papa pranoi se në atë moment humbi durimin dhe kërkoi falje. Sidoqoftë, këto falje nuk ishin të mjaftueshme për Papën, i cili vendosi të kërkojë gruan, për ti thënë asaj personalisht sesi ndihej dhe kërkonte falje.
Takimi nuk u komentua nga Vatikani, por u konfirmua nga fotot zyrtare ku dukej se kjo histori pati një fund të lumtur. Në gjuhën e trupit vërehet ngrohtësia, midis shtrëngimit të duarve, fytyrave të qeta dhe buzëqeshjet.
Duke kërkuar falje, Papa vuri në praktikë mesazhin e audiencës së përgjithshme të kësaj të mërkure 5 shkurt: “Sa e vështirë është të pranosh një gabim dhe të kërkosh falje!”
Krenarët nuk dinë të kërkojnë falje sepse mendojnë se kanë gjithmonë të drejtë, por nuk janë të varfër në shpirt./Fjala.al
