Është mësuar se kreu i SPAK, Arben Kraja, ka nënshkruar ditën e sotme, në Itali, një memorandum bashkëpunimi me Frederico Cafiero de Raho, Prokurori i Përgjithshëm i Prokurorisë Kombëtare Antimafia dhe kundër Terrorizmit në Itali. Po ndërsa firmoset me një prej sektorëve më të rëndësishëm të hetimit në të gjithë Europën, po ditën e sotme një dosje që ka ardhur nga hetuesit europianë është shpërbërë dhe është kthyer në një prokurori lokale për tu hetuar.
Ky memorandum ka si qëllim të sjellë shkëmbim informacioni dhe hetime të përbashkëta mes dy prokurorive asaj shqiptare dhe italiane duke kaluar në sitë edhe pasuritë e grupeve mafioze mes Italisë e Shqipërisë. Gjate takimit u diskutuan argumente të interesit të përbashkët lidhur me hetimet në vazhdim dhe u shkëmbyen informacione të dobishme për zhvillimin e hetimeve të përbashkëta me qëllim luftën kundër grupeve kriminale transnacionale që veprojnë në të dyja vendet.
Por duke iu referuar zhvillimeve më të fundit, mësohet se në këtë kuadër, sot një prej dosjeve më të bujshme në vend është shpërbërë. Një dosja është kthyer në Shkodër, ndërkohë që pjesë e atij hetimi ka qenë edhe Italia. SPAK prej ditësh po kërkon personel shtesë për të mundësuar kalimin e të gjitha dosjeve që gjenden në zyrat e tyre të paprekura, por me sa duket shqyrtimi i parë që u krye për çështjen e operacionit “Oazi” ka përfunduar një dyert e prokurorisë së Shkodrës meqë grupi kriminal për të cilin ishte përpiluar dosja nuk përbente elementin kryesor që të quhet grup kriminal. n.k/Fjala.al/
