Në emisionin “A Show”, në televizionin T7, Presidenti i Kosovës, Hashim Thaçi, ka folur për raportet e tij me familjen Soros. I pyetur nga Adi Krasta nëse ka takuar të birin e filantropit George Soros, Alexander, Thaçi u përgjigj:
“E kam mik shumë të mirë. E çmoj edhe babën, edhe djalin Soros. Ata që kanë paragjykime për investime në demokraci në hapësirat shqiptare nga Soros kanë paranoja”, është shprehur Thaçi.
Sipas tij, ata që janë kundër investimeve nga Sorosët “marrin investime për krijime të anarkisë institucionale, si në Kosovë, ashtu edhe në Shqipëri. Kjo është e vërtetë.
I riu Soros e mbështet Kosovën e pavarur dhe sovrane. E kam mik shumë të mirë, dhe ndihem shumë mirë kur bashkëpunoj edhe me babanë, edhe me djalin Soros”.
