Nga sherri në Korçë te golat e Kukësit, ja çfarë ndodhi në Superligë

113 563 lexime

124,178FansaPëlqeje

Sapo janë mbyllur dy nga ndeshjet e ditës për Kategorisë Superiore dhe duket se kemi pasur të bëjmë me raste shumë të ndryshme nga njëri-tjetri.

Ndërsa Kukësi ia ka dalë që të triumfojë me rezultatin 3-1 ndaj ekipit të Laçit në një takim që mund të konsiderohet i qetë ndeshja midis Skënderbeut dhe Bylisit ka qenë plot trazira të cilat çuan dhe ndërprerjen e takimit për disa minuta me radhë, por në fund u mbyll me barazimin 1-1.

Verilindorët e Kukësit ia dolën që të merrnin fitore dhe për më pak se 24 orë të riktheheshin në krye të renditjes së kategorisë duke zbritur sërish Tiranën në pozicionin e dytë.

Seria e golave të kryesuesve të Superligës u hap nga Kristal Abazaj në minutën e 39-të të lojës, duke barazuar Laçin që kishte kaluar në avantazh me golin e Kyrian Nëabuezes në minutën e 36-të të lojës.

Më pas verilindorët ia kanë dalë të përmbysin rezultatin e parë të ndeshjes duke shënuar për herë të dytë në minutën e 68-të me anë të Vasil Shkurtit. Ndërsa verdikti final u përcaktua nga goli i Valon Ethemit në minutën e 79-ë të lojës.

Ndërsa takimi midis Skënderbeut dhe Bylisit nga ana tjetër ishte plot aksion, por jo në aspektin e lojës më shumë sesa në atë të konflikteve në fushë.

Takimi u ndërpre në minutën e 68-të të sfidës pasi lojës ka ndodhur një rast në zonën e mallakastriotëve që u konsiderua penallti.

Vendimi i arbitrit ka tërbuar lojtarët e Bylisit dhe presidentin Besnik Kapllanaj, i cili i ka kërkuar skuadrës të dalë nga fusha, ndërsa më pas trajneri Dovedan ka debatuar me Pollozhanin, teksa pjesa më e madhe e lojtarëve të ka ndjekur urdhrin e kreut të klubit.

Lexo edhe :  Milani nis punën për të ardhmen, kuqezinjtë mbyllin rinovimin e dy talentave të skuadrës

Ndër ta vetëm tre lojtarë kanë qëndruar për të mbrojtur zonën bashkë me portierin Hidi. Kjo ngjarje ka acaruar së tepërmi edhe trajnerin e Skënderbeut, Dajën, i cili është tejet i nxehur dhe ka reaguar ashpër ndaj sjelljes së kolegut të tij, teksa situata është qetësuar pas disa minutash dhe takimi ka rifilluar.

Rikujtojmë se presidenti i Bylisit është pezulluar me dy ndeshje nga Komisioni i Disiplinës dhe nuk dihet ende se çdo ndodh pas serisë së sotme

Kjo ndeshje u mbyll me barazim ku duhet theksuar se të parët që kaluan në avantazh ishin korçarët që shënuan me anë të Bruno Ditës në minutën e 69-të, ndërsa barazimi erdhi vetëm në minutat e fundit të lojës me anë të golit të Sverios./Fjala.al/Katerina Tafa/

 

Të fundit

Tottenham thyen “mallkimin” pas 17 vitesh dhe fiton trofeun e Europa League ndaj United

Tottenham i është kthyer fitoreve të  trofeve duke fituar pas 41 vitesh nga hera e fundit turneun e Ligës...

Gjysmëfinalja e Nations League ndaj Spanjës, Franca publikon listën

Franca do të përballet me Spanjën në fillimin e qershorit, në sfidën e vlefshme për gjysmëfinalen e Nations League. Para sfidës, trajneri i “Gjelave”,...

I penduari Nuredin Dumani, zbulohet për herë të parë akt-marrëveshja me drejtësinë

Pas transferimit në spitalin e burgut, në prani të ish drejtorit të Përgjithshëm të Policisë dhe ish drejtorit të Krimeve, ai shprehu gatishmërinë për...

FOTO: kush është “Visi i Pojës”, i përfshirë në trafikun ndërkombëtar të drogës

Personi në foto është Elvis Doçi i njohur me nofkën "Visi i Pojës", ndaj të cilit ka një urdhër arrest si pjesë e grupit...

Dini gjë pse është zhdukur Floriana Garo?

Që nga 11 maji, një personazh interesant nuk është dukur më në rrjetet sociale dhe konferencat për shtyp të PD. Bëhet fjalë për zëdhënësen...

Lajme të tjera

Web TV