Në këtë edicion të shtatëdhjetë të Sanremos fituesi është i vështirë të parashikohet. Janë disa emrat që janë lakuar gjatë këtyre ditëve, por akoma nuk dihet se si do të vendosë juria.
Francesco Gabbani është një prej konkurrentëve më të lakuar deri tani të këtij edicioni, madje edhe surprizë, sepse deri tani askush nuk do ta favorizonte në prag të Sanremo.
Po kështu, edhe Diodato mund të jetë një prej emrave pretendentë, i preferuari i jurisë Press Room. Nata finale pritet të jetë shpërthyese edhe për të tjerë konkurrentë në garë.
Mediat italiane kanë komentuar këto ditë edhe interpretimin e Elodie, me Andromeda, shkruar nga Mahmood, e cila shihet si një prej këngëve rivale që kërkon të dalë me një triumf nga ky edicion.
Të tjerë konkurrentë në garë që gjithashtu kanë pasur një performancë të mirë janë edhe Achille Lauro, Piero Pelù, Tosca, Elettra Lamborghini e shumë emra të tjerë që pritet të dhurojë spektakël mbrëmjen e sotme.
Finalja e sotme shihet si një natë magjike edhe për emra si; Anastasio, Pinguini Tattici Nucleari, Alberto Urso, Riki e Giordana Angi etj.
