Përplasja me armë për pazaret e drogës që ndodhi në mes të qytetit të Shkodrës do të dërgojë sot në gjykatë 4 të ndaluarit si protagonistë! Katër të rinjtë e arrestuar për përplasjen me armë zjarri në qendër të Shkodrës dolën sot para Gjykatës së rrethit për t’u njohur me masën e sigurisë. Autorët dy nga Durrësit, një nga Maqedonia dhe një nga Shkodra. Bëhet fjalë për shtetasit Liridon Lushi, 27 vjeç, Arxhend Rexha, 31 vjeç, Ension Buraku, 28 vjeç, dhe Riad Xheladini, 22 vjeç.
Këta persona qëlluan me breshëri plumbash, në qendër të pedonales së Shkodrës, ndaj një “BMW-je” të drejtuar nga shtetasi Mirsad Meta, që ishte dhe shënjestër e atentatit, por që ky i fundit shpëtoi mrekullisht, ndërsa plumbat plagosën rëndë një 35-vjeçare.
Ngjarja ndodhi mbrëmjen e 6 shkurtit, ndërsa sipas policisë, Mirsad Meta iu është kundërpërgjigjur me plumba personave të arrestuar, por që fatmirësisht nuk pati viktima. Shkak i përplasjes me armë dyshohet se ka qenë prishja e pazareve të drogës. Katër të arrestuarit akuzohen për “Vrasja në rrethana të tjera cilësuese”, “Plagosja e lehtë me dashje” dhe “Armëmbajtja pa leje”, ndërkohë që pritet që prokuroria të kërkojë për ta masën e sigurisë arrest me burg pa afat.
Ata u lanë në burg nga Gjykata. Sipas të dhënave gjendje e gruas së plagosur vazhdon të jetë e rëndë, ndërkohë që policia dhe prokuroria kanë intensifikuar hetimet për grupet në të cilat bëjnë pjesë të rinjtë. Është marrë në pyetje shënjestra e atentatit ndërkohë që pritet të flasin edhe katër të prangosurit që sot do të mbahen në qeli! n.k/Fjala.al/
