Punëtorët në Kinë janë kthyer këtë të hënë në vendet e tyre të punës, pasi qeveria lehtësoi kufizimet e vendosura për të mos përhapur coronavirusin.
Numri i vdekjeve, 97, të raportuara të dielën, është më i larti në një ditë të vetme që kur u zbulua shpërthimi në muajin dhjetor.
Prodhimi dhe nafta filluan të bien ndërsa ari filloi të rritej ashtu edhe vdekjet nga coronavirusi i cili kaloi edhe virusin SARS të vitit 2002-2003.
Një ekip ekspertësh nga Organizata Botërore e Shëndetit fluturuan këtë të hënë drejt Pekinit për të bërë vlerësimin e shpërthimit të virusit.
Kina ka vuajtur barrën e sëmundjes me shumicën dërrmuese të rasteve të konfirmuara, por shefi I OBSH-së Tedros Adhanom Ghebreyesus tha se raste të konfirmuara ka pasur më herët edhe jashtë Kinës.
“Zbulimi i një numri të vogël të rasteve mund të tregojë një transmetim më të përhapur në vendet e tjera; me pak fjalë, ne mund të jemi duke parë vetëm majën e ajsbergut, “tha ai në Twitter./Burimi: Reuters/ Përshtati: Fjala.al
