Pas kapove të krimit në vend të cilët kanë fituar lirinë duke shfrytëzuar hapësirat ligjore, është edhe një tjetër emër i njohur i krimit në vend që kërkon të aplikojë të njëjtën metodë. Bëhet fjalë për Admir Tafilin, djalin nga shkodran që për hakmarrje vrau dy vëllezërit e një ish-shefi policie, meqë e akuzonte si personin që i kishte vrarë të atin në një operacion policor. Po ndërsa kapot e bandës së Durrësit munden ta linin burgun, Tafilaj thuhet se nuk mund të aplikojë pasi ai nuk është aq i sjellshëm sa ishin kapot e bandës së Durrësit.
Admir Tafilaj ka kërkuar që të përdorë skemën e Indrit Dokles për të përfituar ulje dënimi, kërkesë kjo që është refuzuar nga gjykata e Burrelit, raporton gazetarja Anila Hoxha për Top Channel. Tafilaj është dënuar me 2 burgime të përjetshëm dhe 22 vite për vrasje në tentativë kundër ish-shefit të krimeve Prel Pjetrushi. Tafilaj është i dënuar me burgim të përjetshëm për vrasjen e dy vëllezërve Pjetrushi, por edhe me një tjetër të përjetshëm si kreu i grupit të strukturuar kriminal i njohur ndryshe si ‘grupi tritoli’. Ai e drejtonte grupin nga burgu, teksa ka porositur Kristi Pinen për vrasjen e Ibrahim Manit për hakmarrje. Pine në momentin që u arrestua vendosi që të bëhej bashkëpunëtor me drejtësinë.
Teksa sa i përket rastit Dokle, ai u lirua muajin e kaluar edhe pse ishte dënuar me burgimi të përjetshëm si anëtar i bandës së Durrësit, ku akuzohej për dhjetëra vrasje, plagosje dhe krime të tjera. Ai gjithashtu ishte dënuar edhe me 16 vite të tjera heqje lirie për shkak se drejtonte trafikun e drogës nga burgu. Ai ishte anëtari i vetëm i bandës që ishte dënuar me burgim të përjetshëm. Avokati i Dokles ishte shprehur se gjatë seancës se klienti i tij “ka kryer 25 vite burgim dhe është sjellë mirë”. Ai gjithashtu deklaroi se Dokle nuk është në gjendje të mirë shëndetësore. Ndërsa të njëjtin pretekst ka përdorur edhe Tafilaj, kërkesa këto që janë rrëzuar dhe ka pasur disa arsye nga gjykata e Burrelit.
Thuhet se Drejtoria e Burgjeve kundërshtoi në gjykatë me argumentin se atij i janë gjetur sende të ndaluara si telefona etj, nuk ka shfaqur në asnjë moment shenja pendese, nuk është bashkëpunues me autoritete ku ndodhet si dhe është agresiv! n.k/Fjala.al/
