Një nga ndihmës trajnerët e skuadrës së Majorkës është akuzuar për racizëm, pasi gjatë një ndeshje ka bërë një gjest ndaj lojtarit Takefusa Kubo, i konsideruar si Messi japonez.
Kubo luan në kampionatin spanjoll dhe ndërsa ishte duke bërë nxemje gjatë kohës që po zhvillohej ndeshja, ndihmësi i trajnerit Visente Moreno ka bërë shenjën e syve japonez për t’i bërë me dije se ai ishte lojtari i përzgjedhur për t’u futur në fushë.
Ndihmës trajneri foli me një tjetër pjesëtar të stafit, por duke qenë se nuk dëgjohej, bëri veprimin që të kuptohej.
Ky veprim nuk është pritur aspak mirë nga personat që e kanë parë këtë veprim dhe e kanë akuzuar atë për gjest racist./Fjala.al/
