Singapori ka numrin më të lartë të rasteve të konfirmuara të koronavirusit, jashtë Kinës.
Deri më tani, Ministria e Shëndetësisë në Singapor ka konfirmuar 50 raste, shifrat më të larta jashtë Kinës.
Kompania DBS në Singapor u tha rreth 300 punonjësve që të punonin nga shtëpia, pasi një anëtar i stafit ishte infektuar me koronavirusin e ri.
Diku tjetër, 16 raste u konfirmuan në Gjermani, tha Ministri i Shëndetësisë Jens Spahn të mërkurën.
Duke folur në Berlin, ai u tha gazetarëve se situata “mund të keqësohet më tej, përpara se të përmirësohet”.
“Kulmi nuk është arritur ende, jo në Kinë, dhe për këtë arsye jo në të gjithë botën, dhe sigurisht jo këtu në Gjermani”, tha zoti Spahn.
Ndërkaq, numri i të infektuarve në bordin e një anijeje në karantinë në portin Yokohama të Japonisë është rritur në 175.
