Është miratuar nga Gjykata e Tiranës kërkesa e autoriteteve franceze për ekstradimin në Francë të Faruk Baybesin, njohur si “Eskobari i Evropës” i dënuar me 30 vite burgim për trafik heroine.
Njëri nga anëtarët e familjes “Baybesin”, Faruk Baybesi është ekstraduar pak ditë më parë nga Shqipëria në drejtim të Francës. Ky vendim mësohet të jetë marrë më 2 shkurt 2020, nga gjyqtari Gerd Hoxha.
Baybasin ndodhet tashmë në Francë, ku rezulton i dënuar me 30 vite burgim, për çështje të trafikut të heroinës. Gjykata Loire Atlantique ka dhënë vendimin për këtë dënim, duke e shpallur fajtor për pjesëtar të organizatës kriminale që trafikonte ne Evropë heroinë.
Në janar të 2020-ës, drejtësia franceze përmes dokumenteve që i ka përcjellë me urgjencë drejtësisë shqiptare, kërkoi dorëzimin e Baybesin, me argumentin se përgjatë viteve 1994 -1995 turku ishte aktiv në trafikun e drogës edhe në Francë si anëtar i një bande që vepronte jo vetëm në Turqi, por edhe në Francë.
Baybesin u arrestua në Tiranë në datën 24 dhjetor 2019, pasi emri i tij rezulton me ngjyrë të kuqe në listën e personave të shpallur në kërkim nga Interpoli./Fjala.al/
