Policia kufitare ka arrestuar një 37-vjeçar, pasi ndihmonte persona të ndryshëm të kalonin kufirin me Greqinë pa iu nënshtruar kontrolleve doganore.
I arrestuari me inicialet P.M. është banues në Kakavijë të Gjirokastrës. Ai ndihmonte personat të kalonin kufirin duke u marrë 150 euro.
Policia njofton se; “Autori prej disa ditësh mbahej nën vëzhgim nga shërbimet e Policisë Kufitare, pasi disponohej informacion se përveç punës që kryente në transportin e bagazheve, zhvillonte edhe aktivitet kriminal në drejtim të dhënies ndihmë për kalim të paligjshëm të kufirit kundrejt fitimit duke ndihmuar të kalojnë ilegalisht shtetas të ndryshëm shqiptarë si në hyrje edhe ne dalje në doganën greke të Kakavijës”
Arrestimi i dhe dokumentimi i aktivitetit të 37-vjeçarit është bërë në kuadër të bashkëpunimit me autoritetet greke. Mbi të arrestuarin rëndon akuza “Ndihma për kalim të paligjshëm të kufijve”.
