Koronavirusi vazhdon të vrasë. Numri i viktimave ka arritur në 1669 në mbarë botën. Ndërsa numri i të prekurve raportohet që të jetë mbi 69 000. Edhe pse viktimat janë kryesisht brenda territorit kinez, përhapja e koronavirusit po bëhet e frikshme.
Ndërkaq, në anijen ‘Diamond Princess’ janë njoftuar edhe 70 raste të tjera të konfirmuara me koronavirus. Ndërsa numri i të prekurve në total ka shkuar në 356.
Ditën e sotme pritet që të evakuohen amerikanët që ndodhen në anije. Ata do të futen në karantinë për një periudhë 14-ditore në vendin e tyre. Në Francë është shënuar edhe vdekja e parë brenda Evropës kur një turist kinez ndërroi jetë nga koronavirusi.
