Ka shkuar në tre numri i personave të arrestuar në kuadër të operacionit “Trajektorja”. Në pranga ka rënë 26-vjeçari me inicialet F.S,. që kishte përfituar disa nga sendet e vjedhura nga autorin, Astrit Thaçi, grabitësi serial që u arrestua dy ditë më parë në Kombinat. 26-vjeçari akuzohet se blerë 4 byzylykë floriri nga Thaçi, të cilët i kishte vjedhur. Materialet hetimore i kaluan Prokurorisë pranë Gjykatës së Shkallës së Parë Elbasan, për veprat penale “Përvetësimi i parave ose i mallrave që rrjedhin nga vepra penale ose veprimtaria kriminale” dhe “Fshehja e të ardhurave”.
Sipas të dhënave bëhet me dije se nuk dihet ende nëse bëhet fjalë për një bashkëpunim mes palëve apo ka qenë rastësi që personi ka blerë materialet e grabitura nga personi i cili kërkohej nga e gjithë Policia e Shtetit.
Astrit Thaçi u arrestua tri ditë më parë ndërsa pritët që të dalë para gjykatës. Ai ka mundur të tregojë pak detaje nga mënyra se si i kryente grabitjet por që ende policia nuk i ka zbardhur të gjitha aktet kriminale që i ka kryer ai. Vajza, e cila është arrestuar si bashkëpunëtore, e cila është edhe e dashura e tij mësohet se ka treguar një pjesë të mirë të të gjithë veprimtarisë së të riut, i cili ka precedent të ngjashëm edhe në Itali dhe në disa vende të tjera të Bashkimit Europian.
Adela Berisha është vajza që u mbajt nën përgjim për disa ditë për të çuar tek autori i grabitjeve të njëpasnjëshme. Burimet nga policia bëjnë me dije se janë edhe një sërë aktesh të tjera të grabitjeve edhe të dhunshme që kanë mbetur pa autor. Policia po shikon se kur kanë hyrë në Shqipëri autori bashkë me vajzën e tij me të cilën mësohet se kanë kohë që bashkëjetojnë. n.k/Fjala.al/
