Parajsa me rërë e Varoshës në Qipron veriore dikur ishte e popullarizuar me të famshëm si Elizabeth Taylor dhe Richard Burton para se pushtimi turk i vitit 1974 ta linte atë të braktisur plotësisht.
Vetëm pesëdhjetë vjet më parë, Varosha, e njohur si Maras në turqisht, ishte një qendër turistike e lulëzuar ku të pasurit dhe të famshmit mund të shiheshin duke shëtitur përgjatë plazheve me rërë.
Por pushtimi nga forcat turke në 20 korrik 1974 detyroi të gjithë 39,000 banorët të largoheshin.
Që atëherë, ajo ka mbetur nën kontrollin e ushtrisë turke dhe rrethohet me tela me gjemba.
Tabelat e vendosura paralajmërojnë njerëzit që të qëndrojnë larg dhe turistët ndalohen rreptësisht që të bëjnë foto.
Shtëpi dhe apartamente të bukura kanë mbetur në gërmadha, me kopshte të mbjella dhe bimësi të kalbur. Njerëzit tani janë të ndaluar të hyjnë në zonën e rrethuar dhe ish-banorët nuk mund të të kthehen në shtëpitë e tyre.
Një rezolutë e Kombeve të Bashkuara bëri thirrje për dorëzimin e Varoshës nën kontrollin e saj. Por përpjekjet diplomatike deri më tani nuk kanë pasur sukses dhe qyteti mbetet në rrënoja.
Qiproja është e ndarë në dy pjesë që nga viti 1974 kur Turqia pushtoi veriun në përgjigje të një grushti shteti ushtarak në ishull të mbështetur nga qeveria Greke. Pjesa veriore e ishullit drejtohet nga një qeveri turke qipriote dhe dy të tretat e tjera në jug nga qeveria e njohur ndërkombëtarisht e udhëhequr nga qipriotët grekë./Fjala.al/Përshtati:Kamela Liko/Burimi:The Sun
