“Ditë e paharrueshme shqiptare në zemër të Europës”. Kështu e cilëson kryeministri Edi Rama atë që ndodhi dje në Bruksel, ku Konferenca e Donatorëve rezultoi e suksesshme, pasi u mblodhën 1.15 miliardë euro grante, hua, e fonde për projekte zhvillimi nga rreth 100 vende.
Mëngjesin e sotëm, pas një ditë shumë të ngarkuar, Edi Rama e ka nisur me një fotoalbum nga takimet që zhvilloi dje dhe sigurisht Konferenca e Donatorëve ku falënderon shtetet që kontribuuan për Shqipërinë
Kreu i ekzekutivit shqiptar shfaqet i qeshur dhe i lumtur, si kurrë më parë, në krah të Presidentes së KE-së, Ursula von der Leyen, Këshillit Europian, Komisionerit të Zgjerimit e Ministrit të Jashtëm italian Luigi Di Maio. Ata dje treguan se janë gati të kontribuojnë për Shqipërinë e pas tërmetit por ama treguan se edhe paratë e mbledhura dhe të hedhura do të jenë të gjitha nën monitorimin e tyre. n.k/Fjala.al/
