Kryeministri Edi Rama njofton se së shpejti do të çelen investimet e shumëpritura në pesë shkolla në qytetin e Shkodrës.
Përmes një postimi në rrjetin social Facebook, kreu i qeverisë nga ndarë pamje të projekteve të shkollës, ndërsa ën me dije se bëhet fjalë për shkollat “Kolë Idromeno”, “Ndre Mjeda”, “Dëshmorët e Prishtinës”, “Adem Haxhija” dhe Preng Jakova”, me një finnacim prej 4.5 milionë eurosh.
“Një lajm i mirë për Shkodrën e dijes, traditave e kulturës, ku do të çelim investimet e shumëpritura në pesë shkolla të qytetit.
Nga rilindja e plotë e shkollave “Kolë Idromeno” dhe “Ndre Mjeda”, tek investimi për ambientet e reja sportive në shkollat “Dëshmorët e Prishtinës”, “Adem Haxhija” dhe Preng Jakova”, me një financim prej 4.5 milion euro të Ministrisë së Arsimit dhe Bashkisë së Shkodrës, nis puna për t’i ndryshuar faqe insfrastrukturës arsimore të kryeqendrës së veriut”, shkruan ai./e.t
