Pas deklaratës se presidentit Ilir Meta se më 2 mars do të zhvillojë një tubim me qytetarët për shpartallimin e grushtit të shtetit, ka reaguar ministrja Elis Spiropali.
Socialistja thotë se Metën nuk e ndihmon dot as Basha dhe as populli ndërkohë që grushti ishtetit ka nisur në kokën e Ilir Metës që prej nisjes së Reformës në Drejtësi.
Spiropali thekson se “grushti i shtetit” do të vijojë sa herë që do të miratohen ligje me konsensus të SHBA-së dhe BE-së.
”Pyetja sot s’është pse Presidentit i ka dalë gjuha jashtë kontrollit dhe s’ka më asnjë kontroll mbi Ilir Metën. Kjo dihet. Pyetja është pse Ilir Meta priti Konferencën e Donatorëve për ta ribërë leckë Presidentin!Keqardhja për Presidentin ka sosur. Ajo për I.Metën s’ka të sosur!
Zoti e ndihmoftë Ilir Metën se Presidentin s’e ndihmon dot më as Luli! Populli jo e jo. Sa për grushtin e shtetit,ai ka nisur në kokën e Ilirit qysh kur nisi Reforma në Drejtësi dhe do të vazhdojë sa herë që në konsensus me SHBA/BE ne miratojmë ligje që atij i duken grushta.”- shkruan Spiropali. /Fjala.al
