Një nga komandat më të përdorshme për shqiptarët që kanë punën me kompjuter është copy-paste. Në fakt është një komandë e caktuar që ka dashur një investim prej shpikësi, ku është mësuar se këtë të shpikje e kishte bërë Larry Tesler, një ikonë e hershme e kompjuterikes.
Ai mësohet se ka vdekur në moshën 74-vjeçare. Ai nisi të punonte në Silicon Valley në fillim të viteve të 60-a, në një kohë kur kompjuterët ishin të paqasshëm për shumicën e popullatës.
Falë inovacioneve të tij – që përfshinin komandat “cut” (shkëput), “copy” (kopjo) dhe “paste” (barte) – kompjuteri u bë më i thjeshtë për t’u mësuar e për t’u përdorur. Komandat e tij u inkorporuan në softuerin e kompjuterit “Lisa” më 1983 dhe në Macintoshin që u lançua një vit më pas, shkruan BBC.
Tesler ishte lindur në Bronx të New Yorkut më 1945. Ai kishte studiuar në Stanford University në Kaliforni. Pas diplomimit, ai specializoi në hartimin e ndërfaqes për përdorues – për të bërë më të përshtatshme për përdoruesit sistemet kompjuterike.
Ka punuar në shumë kompani të mëdha gjatë karrierës së tij, përfshirë Applen ku kaloi 17 vjet. Pas largimit nga Apple, Tesler hapi kompani të veten dhe punoi edhe për Amazonin e Yahoon. Ai vdiq të hënën dhe lajmin për vdekjen e tij e ka dhënë punonjësi-bashkëpunëtor që e njihte prej shumë vitesh. n.k/Fjala.al/
