Një student e ka pësuar keq këtë pasdite kur i ndërpreu fjalën kryeministrit Edi Rama. Ky i fundit po mbante një fjalim në Pallatin e Kongreseve, ku u zhvillua ceremonia e diplomimit të studentëve të Mjekësisë, por një student e ndërpreu kreun e qeverisë duke protestuar kundër tarifave të shkollimit.
Kryeministri iu përgjigj me ironi ndërhyrjes së studentit duke kërkuar që t’i jepej ndihma e parë. Në këtë çast kanë ndërhyrë edhe truprojat duke e nxjerrë jashtë sallës së mbushur me mijëra studentë.
Në tentativë për ta nxjerrë jashtë me forcë, studenti dëgjohet duke thënë: “Hiqi duart, mos më prek me duar!”, ndërsa më pas largohet nga salla nëpërmjet ndërhyrjes së stafit të sigurisë.
https://youtu.be/o45Xhc0RuhQ
Pjesë nga përlasja mes Ramës dhe studentit:
Studenti: A e dini ju që vetëm studentët e pasur arsimohen?
Rama: Nuk e di a e dëgjuat ndërhyrjen. Djalin duhet ta shoqëroni për të marrë shërbimin e shpejtë mjekësor. Pyetja e dini që studentët që arsimohen sot janë vetëm të pasur, ka përgjigjen që sot ndryshe nga deri dje, studentët janë të trajtuar më mirë.
