Italia ka vendosur kufizime të rrepta të karantinës në dy rajone, në “pikat e nxehta” në Milano dhe Venecia. Në dy qytete italiane nuk mund të hyhet dot, pa marrë leje speciale. Edhe jashtë zonës, shumë biznese dhe shkolla kanë pezulluar aktivitetet, dhe ngjarjet sportive janë anuluar duke përfshirë disa ndeshje futbolli.
Numri i vdekjeve nga koronavirusi në Itali rritet në 3: viktima e tretë është një grua në Crema, e shtruar në spital në onkologji me një situatë shumë të rënduar. Janë gjetur raste të reja në zonën e Pavisë dhe në zonën e Bergamos.
Statistikat e përkohshme tregojnë se 150 njerëz janë pozitivë me Covid-19 në Itali. “Pajisjet e kujdesit shëndetësor nuk e kanë identifikuar ende pacientin – ose pacientët – zero nga e cila filloi përhapja e virusit në Itali”, tha komisari i urgjencës Angelo Borrelli gjatë konferencës emergjente për shtyp.
