Quique Setién, trajneri i Barcelonës, është paraqitur në konferencë për media para ndeshjes me Napolin të martën, që do të zhvillohet që nga ora 21:00. Ai ka folur për takimin që e cilëson të vështirë, për debutimin në ‘Champions’ dhe gjithçka tjetër. “Ndeshja do të jetë e komplikuar për të dy ekipet, me siguri me opsione dhe të diskutueshme. Presim Napolin më të mirë! Tashmë e dimë se çfarë janë në gjendje të bëjnë në Champions League”- u shpreh Setién.
Ndërsa është gjendur para medieve mjaft të interesuara për mendimin që ka trajneri i ri i katalanasve për skuadrën e Napolit, tekniku u përgjigj me shumë finesë: Motivimi është special për ndeshjen time të parë në Champions League. Debutimi vjen në një stadium historik, do të jetë një ndeshje plot pasion dhe shpresoj të jetë ndeshje për t’u kujtuar”.
Por në fund të bisedës me mediet trajneri i Barcelonës u ndal edhe tek kolegu dhe homologu i tij që gjendet në pankinën e Napolit, Gennaro Gattuso duke thurur elozhe për ish-mesfushorin legjendar të Milanit. Ai ka ndryshuar skuadrën pas largimit të Carlo Ancelottit dhe kërkon përqendrim maksimal nga të tijtë. Setién foli edhe për eliminimet befasuese me përmbysje, fillimisht nga Roma dhe Liverpooli.
Ai tha se për këtë nuk ka folur me lojtarët, por që natyrisht, ata e kanë në mendje. “S’kemi folur për atë që ndodhi në Romë, apo në Anfield – por sigurisht se ata e kanë në mendje. I besoj këtyre lojtarë, duhet të vazhdojmë me punën që po bëjmë”, theksoi mes tjerash Setien. n.k/Fjala.al/
