Rebelët sirianë të mbështetur nga ushtria turke kanë rimarrë nën kontroll qytetin Nairab, në provincën e Idlibit në veriperëndim të Sirisë, thanë të martën zyrtarë turq dhe rebelët.
Forcat e presidentit sirian, Bashar al-Asad, të përkrahur nga sulmet ajrore ruse, po përpiqen të rimarrin rajonin e fundit të madh të mbajtur nga rebelët në Siri, pas nëntë viteve të konfliktit.
Afro një milion sirianë janë shpërngulur nga luftimet e fundit. Turqia është përgjigjur duke dërguar mijëra trupa dhe pajisje në rajon, për të mbështetur rebelët që t’i rezistojnë ofensivës.
“Me ndihmën e miqve tanë turq, ne kemi rimarrë kontrollin mbi qytetin strategjik të Nairabit, pas dëbimit të milicive terroriste ruse”, tha Yusef Hamoud, zëdhënës i Ushtria Kombëtare Siriane (grupi rebel i përkrahur nga Ankaraja).
Një zyrtar turk tha për Reuters, se ushtria turke kishte mbështetur sulmin e rebelëve. Ndërsa shtoi se nuk pati përleshje midis forcave turke dhe ruse.
