Është zyrtarizuar tashmë që ndeshja e kthimit për 1/16 e Europa League mes Interit dhe Ludogorets të luhet ditën e enjte, por me dyer të mbyllura.
Ky lajm u bë publik nga vetë UEFA ashtu edhe nga dy klubet nëpërmjet komunikatave të tyre për shtyp.
Përhapja e Coronavirusit në veri të Italisë sidomos në rajonin e Lombardisë alarmoi këdo duke bërë që UEFA të tregohet e kujdesshme.
UEFA pranoi kërkesën e zikaltërve për zhvillimin ndeshjes me Ludogorets pavarësisht situatës pa praninë e tifozëve, diçka që më pas iu komunikua edhe klubit bullgar.
Vendimi për sfidën mes interit dhe Ludogorets me dyer të mbyllura është në një linjë me atë të Federatës Italiane të futbollit dhe qeverisë së vendit të Apenineve.
Po ashtu është vendosur që 6 ndeshje të javës së 26 të Serie A do të luhen me dyer të mbyllura dhe bëhet fjalë për Derbin e Italisë mes Juventusit e Interit, Milan-Genoa, Parma-Spal, Sassuolo-Brescia, Sampdoria-verona si dhe Udinese-Fiorentina./Fjala.al/
