Shtëpitë kanë mbetur tërësisht nën ujë pasi një tjetër stuhi ka goditur Britaninë dhe kryeministri i Britanisë akoma nuk e ka vizituar situatën nga afër.
Erëra të forta deri në 70km/orë dhe dëborë janë parashikuar në Anglinë veriore të dielën në mëngjes. Ekzistojnë gjithashtu 87 paralajmërime për përmbytje në të gjithë vendin dhe 185 alarme përmbytjesh, sipas Agjencisë së Mjedisit.
Imazhet shokuese tregojnë shtëpi të zhytura plotësisht nën ujë.
Më shumë se 78 shtëpi dhe biznese tashmë janë përmbytur në zonë dhe banorët e rrezikuar nga përmbytje të tjera kanë lëvizur sendet e tyrë në katet e mësipërme të banesave.
East Riding i Këshillit të Yorkshire tha që nivelet e ujit në përgjithësi po bien ose po mbesin të qëndrueshme në Snaith, Gowdall, East Cowick dhe West Cowick.
AndrewPercy, deputeti për këtë zonë, është takuar sot me banorët dhe shefat e Agjencisë së Mjedisit, dhe i bëri thirrje qeverisë të rishikojë se si ndan paratë e mbrojtjes nga përmbytja.
Z. Percy, deputet konservator për Brigg dhe Goole, tha: ‘Ne jetojmë në një zonë me rrezik nga përmbytja, por nuk ka asnjë të dhënë për përmbytjet në këtë zonë.
Disa zona kanë pasur reshje tipike muaji në vetëm 24 orë.
Mesatarja e Mbretërisë së Bashkuar për këtë shkurt ishte 202.1 mm, duke mposhtur rekordin e mëparshëm në 1990 prej 193.4 mm që nga fillimi i regjistrimeve në 1862./Fjala.al/Burimi:DailyMail
