Koronavirusi i ka detyruar njerëzit të punojnë nga shtëpia dhe për shumë prej nesh është shumë tunduese që të marrësh laptopin dhe të mbaros nga shtrati.
Por, sipas ekspertes britanike Sophie Bostock, nuk duhet punuar asnjëherë aty ku flini. Kjo sepse i bën keq qëndrimit tuaj, ju bën më pak produktivë dhe më e rëndësishmja, ju prishet gjumi.
Sipas saj, nëse doni që të bëni një gjumë të mirë natën, duhet që truri juaj ta lidhë shtratin vetëm me gjumin.
“Nëse shkrini kufijtë midis punës dhe gjumit, ato do të futen më pas te njëri-tjetri, duke bërë që të mos flini rehat”, shpjegoi ekspertja për “Daily Mail”.
“Gjithashtu, nëse keni qëndruar në shtrat, të kërrusur para laptopit duke punuar, dhimbja e mesit nuk do t’ju lejojë të flini qetë natën”, shton Bostock.
