Guido Bertolaso, konsulenti i emergjencave në Lombardi ka rezultuar i infektuar me koronavirus. Lajmin e ka konfirmuar vetë ai në lloagrinë e tij në ‘Facebook’. Bertolaso shkruan se e ka ditur që në fillim se me çfarë rreziqesh po përballej dhe se do t’ja dalë mbanë që ta mundë edhe këtë luftë.
“Kam rezultuar pozitiv për Covid-19. Kur e pranova këtë detyrë, e dija se cilat ishin rreziqet me të cilat po përballesha, por nuk mund të mos i përgjigja thirrjes për vendin tim. Kam vetëm ethe, nuk kam simptoma të tjera për momentin. unë dhe bashkëpunëtorët e mi jemi në izolim dhe do të respektojmë periudhën e karantinës. Do të vazhdoj të ndjek punën e spitalit Fiera dhe të bashkërendoj punën në Marche. Do ta fitoj edhe këtë betejë,“- shkruan ai në Facebook.
