Qytetarët në Berat kanë dalë për të bërë pazarin pavarësisht nëse kanë marrë lejen online që përcakton personat për të dalë nga shtëpia në një kohë që vendi po përballet me situatën e vështirë nga koronavirusi.
Qytetarët ankohen se aplikacioni nuk punon dhe se nuk kanë mundur të marrin përgjigje. Shumë qytetarë madje edhe të rinj, shprehin paqartësi në lidhje me aplikacionin e marrjes së lejes, ndërkohë që policia u vjen në ndihmë duke u shpjeguar sesi duhet të veprojnë.
