Reperi i njohur ‘Stresi’ ka treguar si po e përjeton karantinën. Në një lidhje me ‘Skype’ për emisionin “Rreze Dielli” reperi tha se ka vendosur të bëjë një jetë të shëndetshme në kushtet e karantinimit.
Ai shprehet se del për vrap, gatuan dhe ka lënë edhe duhanin, ndërsa u bën thirrje të rinjve që të ushqehen shëndetshëm.
Reperi nuk ka kontakte me familjarët dhe tregon se prindërit i shikon vetëm nga ballkoni.
“Dal për vrap, kam lënë duhanin. Kjo karantinë është shumë e thjeshtë për mua. Gjithmonë kam mbajtur karantinë edhe në kohë të thjeshta, por kjo nuk është shaka!
U bëj thirrje të gjithë të rinjve, mos të pijnë duhan më shumë, por të ushqehen shëndetshëm. Prindërit i shoh nëpërmjet ballkonit, ata janë në shtëpinë e tyre dhe kanë marrë masa të rrepta. Ushqimet i marr vetë, gatuaj vetë, po punoj me muzikën, po shkruaj”, shprehet Stresi.
Këngëtari ka një mesazh për të gjithë, në këtë periudhë që ai e quan serioze: Të mbrojnë veten dhe të tjerët.
