Një infermiere që luftonte në vijën e parë me koronavirusin në Mbretërinë e Bashkuar ka vdekur pasi doli pozitive me Covid-19.
Areema Nasreen, 36-vjeç, u diagnostikua me virusin në fund të marsit pasi shfaqi simptoma si: kollë, temperaturë dhe dhimbje trupi.
Nëna e tre fëmijëve kishte punuar si infermiere për 16 vite. Ajo u vendos në një ventilator por fatkeqësisht ndërroi jetë orët e para të këtij mëngjesi.
Një i afërm i saj tha: Ajo ishte kaq pozitive dhe e përkushtuar në punën e saj si infermiere. Ajo ndërroi jetë duke bërë atë që e donte.
“Jam vërtet e trishtuar për pjesën tjetër të familjes, ajo ishte një person fantastik”, u shpreh një tjetër.
Motra e të ndjerës kur mori vesh që Nasreen u diagnostikua me Covid-19 tha: Motra ime që është një infermiere në vijën e parë dhe ndihmon gjithmonë kaq shumë, tani është infektuar me virusin. Ajo është sëmurë në një gjendje kritike, e vendosur në një ventilator dhe po lufton për jetën e saj.
‘Dua që të gjithë ta dinë se sa e rrezikshme është kjo. Motra ime është vetëm 36 vjeç dhe është normalisht e aftë dhe e shëndetshme. Temperatura nuk i bie dhe kolla e saj është aq e keqe sa i ndikoi në mushkëri.’
Areema kishte folur më parë për gëzimin që merr nga puna e saj si infermiere: ‘Unë thjesht kam dashur të jem në gjendje të kujdesem për njerëzit, veçanërisht ata që janë të moshuar dhe më të prekshëm.
“Unë qaj çdo mëngjes sepse jam aq e lumtur që kam realizuar përfundimisht ëndrrën time për t’u bërë infermiere”, tha ajo pak para se të vdiste./Fjala.al/Përshtati:Kamela Liko/Burimi:DailyMail
