Një shqiptar që jeton prej vitesh në Itali ka vendosur të bëjë një gjest human dhe të ndihmojë popullin italian.
Edmond Prenga, i cili është pronar i një furre buke, ka vendosur ta falë bukën për të gjithë ata që nuk kanë mundësi ta blejnë, duke qenë se Italia është e pushuar nga kriza e koronavirusit.
39-vjeçari nuk ka pritur që njerëzit të vinin në dyqan e të kërkonin bukë, pasi mendonte se ata kishin ndrojtje, prandaj ai vendosi që ta paketontë bukën në qese dhe më pas ta varte në hekurat e trotuareve duke vënë sipër një mesazh ndihme: “ Nëse ju nevojitet kjo është për ju”.
” Kam provuar urinë, kam mbërritur në Itali në vitin 1998 pa para, i di mirë këto problem. Kështu që vendosa t’i lija qeset me bukën jashtë, sepse mendova se njerëzit kanë turp të kërkojnë ushqim. Ne u rritëm, marrëdhënia me italianët është e forte. Ne shqiptarët e dimë varfërinë, sot po rimëkëmbemi, por nuk ka qenë gjithmonë kështu. Unë mendoj se Edi Rama bëri një gjë të bukur , e cila tregon zemrën e madhe të shqiptarëve dhe lidhjen me Italinë ”.- Është shprehur Edmondi për mediat italiane.
Ndërkohë shembullin e Edmondit e kanë ndjekur shumë biznese tjera të vogla.
