Presidenti i Shteteve të Bashkuara të Amerikës, Donald Trump, ka paralajmëruar shtetasit e tij se në javët e ardhshme pritet të ketë shumë vdekje nga koronavirusi.
“Do të ketë shumë vdekje në javët e ardhshme”, deklaroi Trump duke folur në konferencën për shtyp në Shtëpinë e Bardhë, raporton Ansa.
“Të dhënat e fundit të SHBA-së flasin për mbi 8,000 viktima dhe mbi 300,000 raste të infeksionit, është një situatë e jashtëzakonshme, një gjë e tillë nuk është parë kurrë”-tha presidenti amerikan.
SHBA-ja regjistroi rreth 1 500 të vdekur si pasojë e koronavirusit të ri në 24 orë, sipas informacioneve të Universitetit Johns Hopkins, duke regjistruar kështu bilancin më të rëndë në vend.
