Një Mbretërinë e Bashkuar, por jo vetëm ka filluar të qarkullojë një teori konspirative që lidh teknologjinë e komunikacionit celular 5G me përhapjen e koronavirusit Covid-19.
Megjithatë zyrtarët britanik thanë se ky është një lajm i rremë i rrezikshëm dhe komplet fals.
Kur u pyet nga një reporter për të ashtuquajturën “teori” se 5G mund të luante rol në përhapjen e sëmundjes, ministri i kabinetit britanik, Michael Gove tha: “Kjo është vetëm një marrëzi, marrëzi e rrezikshme gjithashtu.”, raporton “The Guardian”.
Antenat e telefonave celularë ditët e fundit janë vandalizuar dhe stafi i telekomunikacionit u abuzua në Birmingham në Anglinë qendrore dhe Merseyside në Anglinë veriore, duke dëmtuar lidhjen në një kohë kur njerëzit janë përdorur më shumë se kurrë internetin.
Sulmi me zjarrvënie në një kullë në Birmingham në pronësi të BT (BT.L), ndërmarrja më e madhe e telekomunikacionit në Britani, shkaktoi dëme të konsiderueshme. Ajo siguroi shërbime 2G, 3G dhe 4G për mijëra njerëz, por nuk kishte aftësi 5G, tha kompania.
Ndërsa drejtori kombëtar i mjekësisë NHS në Angli, Stephen Poëis, tha se ideja e komplotit 5G ishte një lajm i rremë pa mbështetje shkencore që rrezikonte të dëmtonte reagimin e urgjencës ndaj shpërthimit.
“Historia 5G është e pakuptimtë, është lloji më i keq i lajmeve të rreme“, tha Poëis. “Realiteti është se rrjetet e telefonisë celulare janë absolutisht kritike për të gjithë ne.”
“Këto janë gjithashtu rrjetet telefonike që përdoren nga shërbimet tona të urgjencës dhe punonjësit tanë shëndetësorë dhe unë jam tërësisht i indinjuar.
E neveris faktin që njerëzit të ndërmarrin veprime kundër vetë infrastrukturës që duhet t’i përgjigjet kësaj urgjence shëndetësore,” tha Poëis .
Një grup lobist për operatorët mobilë të Mbretërisë së Bashkuar – përfshirë EE, O2, Vodafone dhe Three – thanë se ishte në dijeni të thashethemeve të rreme që lidhnin 5G me shpërthimin, dhe se stafi i telekomunikacionit ishte kërcënuar.
Vodafone, operatori i dytë më i madh në botë, tha se sulmet tani ishin çështje e sigurisë kombëtare./Fjala.al/
