E gjithë bota është duke u përballuar me një situatë të vështirë të krijuar nga koronavirusi.
Ata që janë në vijën e parë të frontit të kësaj lufte janë bluzat e bardha të cilat përballen çdo ditë me rrezikun që sjell koronavirusi kur iu duhet të trajtojnë edhe pacientët e prekur.
Por çfarë ndodh brenda njësisë së kujdesit intensiv që lufton koronavirusin? Pacientët janë duke u trajtuar nga mjekë të kualifikuar. 
Këshilltari në Mjekësinë e Kujdesit Kritik në Mbretërinë e Bashkuar, profesori Mike Grocott, shpjegoi se “Kujdesi intensiv është vendi ku jepet ndihma më e madhe për jetën. Kjo përfshin një ekip shumë të aftë mjekëve, infermierëve dhe stafit ndihmës. Ata përdorin pajisje monitorimi shumë të sofistikuara për të mbajtur nën kontroll nivelet e oksigjenit në gjak, si dhe presionin e gjakut gjatë rrahjeve të zemrës.” , shkruan The Mirror.
Në këtë mjedis u vendos në terapi intensive edhe kryeministri i Britanisë së Madhe, Boris Johson.
Sipas profesorit, të Imazherisë Mjekësore në University College London Derek Hill, rasti i Johsonit ishte një rast specifik.
Mbrëmë, Boris Johnson u vendos në terapi intensive në spitalin ‘St Thomas’ në Londër pasi gjendja e tij paraqitej e rënduar. 
Sipas një deklarate nga 10 Downing Street, thuhet se “Kryeministri ka qenë nën kujdesin e mjekëve në Spitalin ‘St Thomas’’, në Londër, pasi vijonte të kishte simptoma të shumta të koronavirusit. Gjendja e kryeministrit u përkeqësua pasditen e së hënës, dhe me këshillimin e mjekëve ai u transferua në njësinë e kujdesit intensiv në spital. Kryeministri po merr kujdesin e duhur dhe falënderon të gjithë stafin e NHS për punën dhe përkushtimin e tyre të palodhur” .
“Mbretëria e Bashkuar ka ndërmarrë miliona teste të antitrupave kundër koronavirus por asnjëri prej tyre nuk funksionon”, theksojnë ekspertët.
Spitali St Thomas në Londër ka ndaluar gjithashtu edhe vizitat e njerëzve të afër të pacientëve. E gjitha kjo sipas drejtuesve të spitalit bëhet për të minimizuar përhapjen e koronavirusit./Përshtati nga The Mirror për Fjala.al, B. Quku/
