Ministrja e Shëndetësisë dhe Mbrojtjes Sociale, Ogerta Manastirliu bën me dije se Shtetet e Bashkuara të Amerikës kanë sjellë ndihma në Shqipëri, për të ndihmuar në luftën kundër COVID-19.
Përmes një postimi në Facebook, Manastirliu thekson se SHBA ka sjellë mjete të mbrojtjes personale për ekipet mjekësore.
Siç duket edhe nga fotot e publikuara, ndihmat duket të jenë dorëzuar nga ambasadorja e SHBA-ve në Tiranë, Yuri Kim.
Deri më tani në Shqipëri janë verifikuar 409 raste me koronavirus. Fatkeqësisht kanë humbur jetën 22 persona, ndërsa janë shëruar 165 njerëz.
Postimi i plotë:
Miku i mirë njihet në ditë të vështira!
Mirënjohëse për ndihmën e popullit mik amerikan për Shqipërinë me mjete të mbrojtjes personale për ekipet mjekësore në vijën e parë të përballjes me #COVID19??
Faleminderit Ambasadore Yuri Kim @U.S. Embassy-Tirana
Jemi #bashkë në këtë luftë COVID19.
