Janë zbardhur detaje të reja nga plagosja e dy personave në Tiranë. Mësohet se një person është konfliktuar me patrullën e policisë së njësisë “Shqiponja” në zonën e Xhamllikut.
-Identifikohet ‘i super-kërkuari’ që u përplas me armë me policinë në Tiranë
Kur polici i ka kërkuar mjetin e identifikimit qytetarit, ai është larguar me vrap. Në ndjekje e sipër i dyshuari ka nxjerrë një armë nga çanta që mbante me vete dhe ia ka drejtuar policit duke i thënë se do e qëllonte nëse nuk largohej.
Thirrjeve të shpeshta të policit për t’u dorëzuar, i dyshuari i është përgjigjur me kërcënime.
Mësohet se polici ka qëlluar me armë drejt të dyshuarit, duke e lënë të plagosur. Nga plumbat është plagosur në këmbë edhe një kalimtare.
