Detaje të reja janë zbuluar nga aksidenti i frikshëm që ndodhi vitin e kaluar në aeroportin e Moskës, ku ndërruan jetë 41 persona. Mediat e huaja kanë publikuar disa pamje të reja, të cilat janë zbuluar së fundmi në gjyq, që tregonin avionin e pasagjerëve të përfshirë në flakë që rrëshkiste jashtë kontrollit në pistë.
Kapiteni i avionit Denis Evdokimov u dënua për neglizhencë, por ai pretendon se avioni ishte goditur nga rrufeja pak pas nisjes. Prandaj ai u rikthye për ulje të detyruar në aeroport.
Komisioni hetues tha se Evdokimov është akuzuar me shkelje të rregullave të sigurisë dhe komandim neglizhent të avionit, që çoi në vdekje masive, lëndime dhe dëmtime madhore.
“Dështimi i tij në kontrollimin e avionit Superjet, rezultoi në shkatërrimin e mjetit, vrasjen e 40 pasagjerëve dhe të një anëtari të ekuipazhit. Dhjetë njerëz u plagosën dhe 37 shpëtuan të gjallë”, tha ai në gjyq.
