Presidenti i vendit Ilir Meta i ka dërguar një kërkesë urgjente Kuvendit për të reflektuar ndryshimet në Kodin Penal mbi ndëshkimin e personave që shkelin rregullat e karantinimit.
Në kërkesën drejtuar Kuvendit Meta saktëson se “në cilësinë e Presidentit të Republikës, nisur nga situata e jashtëzakonshme që po kalon vendi, vlerësoj të domosdoshme që përpara se Kuvendi të votojë sot në seancë plenare këtë projektligj, duhet patjetër të mbajë në konsideratës se ndërhyrja në Kodin Penal: Duhet të respektojë detyrimet e Konventës Evropiane të të Drejtave të Njeriut, si dhe dispozitat kushtetuese që lidhen me procedurën e miratimit dhe parimet e të drejtat themelore të njeriut; Duhet të rivlerësohen marzhet e sanksioneve penale, për ta sjellë normën e re në kushte proporcionale me gjendjen aktuale dhe vlerësimin e qeverisë për situatën e pritshme që mund të kalojë vendi.”
