Kina e paralajmëroi popullin e saj për koronavirusin më 20 janar të këtij, ndërkohë që deri në atë periudhë më shumë se 3,000 njerëz ishin infektuar.
Heshtja e Kinës përgjatë 1 jave rresht që nga 14 janari deri më 20 janar nuk është mashtrimi i vetëm i zyrtarëve të lartë kinezë mbi koronavirusin.
Përgjatë kësaj periudhe autoritetet kineze deklaruan se ata mund të përballeshin me një pandemi si koronavirusi, por pa deklaruar si qëndronte gjendja e vërtetë në terren.
Madje epiqendra e koronavirusit Wuhani priti një festë masive me dhjetëra mijëra njerëz që filluan të udhëtojnë për festimet e Vitit të Ri kinez, shkruan Associated Press sipas dokumenteve të brendshme të marra nga vlerësimeve e ekspertëve bazuar në të dhënat e infeksionit.
Përballja e Kinës me koronavirusin erdhi në një moment kritik, kur tashmë shpërthimi i pandemisë e kishte nisur të godiste njerëzit.
Përpjekja e Kinës për të qëndruar në linjën midis ngritjes së alarmit për kooronavirusit dhe shmangies së panikut e gjeti botën të papërgatitur duke bërë që të humbasë mijëra jetë njerëzit dhe të shkojë në 2 milion të infektuar.
“Nëse do të ndërmerrnin që në ditët e para, do të kishte shumë më pak pacientë të infektuar. Ne mund të shmangim kolapsimin e sistemit shëndetësor të Wuhan-it”, tha Zuo-Feng Zhang, një epidemiolog në Universitetin e Kalifornisë, Los Angeles.
Ekspertët thonë se kontrollet nga regjimi kinez bënë që paralajmërimi për koronavirusin të bëhej me shumë vonesë.
Ndëshkimi i tetë mjekëve me akuzën për përhapjen e lajmeve të rreme i transmetuar në televizionin kombëtar më 2 janar, krijoi frikë te mjekët.
LEXO EDHE:
Dha alarmin për koronavirusin dhe po gjente vaksinën/Kina i ndaloi zbulimin
“Mjekët në Wuhan kishin frikë,” tha Dali Yang, profesor i politikës kineze në Universitetin e Chicikagos.
“Ishte me të vërtetë frikësim i një profesioni të tërë”, shtoi ai.
Qeveria kineze ka mohuar vazhdimisht censurimin e informacionit.
“Akuzat për fshehje apo mungesë transparence në Kinë janë të pabaza”, tha zëdhënësi i ministrisë së Jashtme kineze, Zhao Lijian, në një konferencë për shtyp të enjten.
Sipas dokumenteve kreu i Komisionit Kombëtar të Shëndetit të Kinës, Ma Xiaoëei, ishte krejt kaotik dhe i paqartë të gjendjes së pandemisë më 14 janar të këtij viti.
Mjekët dhe infermierët në Wuhan janë shprehur për mediat kineze se kishte shenja se koronavirusi të mund të transmetohej te njerëzit që në fund të dhjetorit.
Kishte nga ata pacientë që nuk kishin qenë në tregun e Wuhanit por rezultonin të infektuar. Po ashtu edhe mjekët po prekeshin njëri pas tjetrit. Por autoritetet kineze penguan personelin mjekësor që t’i raportonte këto raste, dhe çdokush nga mjekët që ngrinte alarmin ndëshkohej nga shteti kinez.
LEXO EDHE:
Ky është mashtrimi i tmerrshëm që Kina i ka bërë botës me koronavirusin
