Një 32-vjeçar shqiptar është arrestuar nga autoritetet italiane, pasi dyshohet se është autor i dy sulmeve me bombë në Foggia.
Mediat raportojnë se i arrestuari është shtetasi Erjon Rameta.
Sulmi i parë është bërë në një restorant në 12 nëntor të vitit të kaluar. Shpërthimi ishte shumë i fuqishëm dhe, përveç shkatërrimit të hyrjes dhe pjesës së brendshme të restorantit, dëmtoi edhe xhamat e shtëpive fqinje. Ndërsa, sulmi i dytë ka ndodhur më 16 janar në një qendër ditore për të moshuarit.
Raportohet se në të dyja rastet e sulmit, shqiptari ka vepruar i vetëm duke përdorur një biçikletë. Hetimet vazhdojnë për të zbuluar motivin që e shtyu shqiptarin të kryejë këto dy sulme./Fjala.al/Burimi: FoggiaToday
