Të gjithë janë duke ngritur pyetjen nëse koronavirusi erdhi nga kafshët, konkretisht lakuriqët e natës apo nga laboratori i Wuhanit në Kinë.
Sipas Organizatës Botërore të Shëndetësisë, provat sugjerojnë se koronavirusi e ka origjinën te lakuriqët në Kinë në fund të vitit 2019 dhe se nuk bëhet fjalë që të ketë rrjedhur nga laboratorët.
Reagimi i Organizatës Botërore të Shëndetësisë vjen një ditë pasi Presidenti Donald Trump tha se SHBA po heton që të përcaktojë nëse koronavirusi e ka origjinën nga laboratori në Wuhan të Kinës.
“Të gjitha provat e disponueshme sugjerojnë se virusi e ka origjinën nga bota shtazore dhe nuk është një virus i manipuluar ose i konstruktuar në një laborator ose diku tjetër,” tha zëdhënësi i OBSH-së, Fadela Chaib në një konferencë për mediat.
Sipas saj, “Është e mundshme, ka të ngjarë që virusi ta ketë origjinën nga bota shtazore”. Ndërsa shtoi se “sigurisht” që ka qarkulluar mes kafshëve përpara se virusi të transmetohej te njerëzit.
Sipas zyrtarëve dhe ish-funksionarë të inteligjencës amerikane i thanë NBC News javën e kaluar se inteligjenca amerikane po heton nëse koronavirusi rrodhi aksidentalisht nga laboratori kinez që merret me studimin e sëmundjeve te lakuriqët e natës.
Ndërkaq, drejtuesit e laboratorit në Wuhan e hodhën poshtë akuzën duke e quajtur atë një “teori konspirative”.
Sipas të dhënave të mbledhura nga Universiteti Johns Hopkins, deri më tani koronavirusi ka infektuar pothuajse 2.5 milion njerëz dhe ka shkaktuar mbi 170,000 vdekje në të gjithë botën.
OBSH dhe Trump nga ana tjetër janë paplasur midis tyre mbi pandeminë, ku presidenti i SHBA-ve ndaloi financimin e OBSH-së duke e akuzuar atë se vonoi t’i përgjigjej koronavirusit dhe se nuk ishte transparente me pandeminë.
OBSH deklaroi ditën e sotme se po vlerëson ndikimin e fondeve të bllokuara nga SHBA dhe se do të punojë me partnerët e saj për të mbushur çdo boshllëk./Përshtati nga CNBC për Fjala.al, B.Quku.
LEXO EDHE:
Dalin pamjet e tmerrshme/Ja çfarë bënin shkencëtarët kinezë brenda laboratorit
