Mjekët dhe infermierët janë në front në luftën e njerëzimit përballë koronavirusit. Në këtë betejë për jetë a vdekje mes të infektuarve me Covid-19, kanë humbur jetën shumë qytetarë, por dhe shumë mjekë e infermierë.
Por, nga qytetarët në të gjithë botën nuk kanë munguar gjestet për të falënderuar mjeket dhe infermierët.
Edhe në vendin tonë qytetarët kanë dalë në ballkone dhe kanë duartrokitur dhe muzikantët kanë luajtur në veglat e tyre muzikore për ty dhënë kurajë.
Rasti i fundit është shumë emocionues. Komshinjtë i kanë “zënë pritë” një infermiereje duke e duartrokitur dhe brohoritur për ta falënderuar për punën e saj.
Në video duket mjaftë qartë se infermierja përlotet dhe emocionohet jashtë mase nga gjesti i fqinjëve.
Gjeste të vogla, por me dashuri të madhe për t’i thënë faleminderit mjekëve dhe infermierëve që po sfidojnë çdo ditë vdekjen për të shpëtuar njerëzimin. Faleminderit.
