Serbia ka bllokuar kalimin e kamionëve me mallra nga Kosova për në Serbi dhe anasjelltas duke shkelur kështu marrëveshjen e bërë në situatën e koronavirusit.
Ministri në detyrë i Infrastrukturës dhe Mjedisit, Lumir Abdixhiku, ka bërë me dije se Serbia i ka ndaluar transportuesit e mallrave, që shkonin nga Kosova.
Në një postim në “Twitter”, Abdixhiku shkruan se gjatë periudhës pandemike janë ndaluar transportuesit, duke akuzuar autoritetet serbe për sjellje jo njerëzore dhe kundër marrëveshjes rajonale për korridore
“Është e paprecedent që gjatë pandemisë autoritetet serbe kanë bllokuar transportuesit e mallrave që vinin nga Kosova. Kjo është shkelje çnjerëzore dhe flagrante të marrëveshjes rajonale për korridorë të gjelbër gjatë betejës me COVID-19, për çka janë marrë vesh të gjashtë vendet e Ballkanit Perëndimor”,- është shprehur ai./Fjala.al/
