Kamerat e sigurisë të një muzeu kanë kapur momentin kur një hajdut pikturash ka vjedhur pikturën me vlerë prej 3 milionë euro të piktorit Van Gogh.
I pajisur me një vare, hajduti ka thyer disa dyer xhami të përforcuar, në muzeun Singer Laren pranë Amsterdam, para se të largohet me pikturën e çmuar nën njërën sqetull.
Vjedhja ndodhi mëngjesin e 30 marsit dhe ishte një goditje e re për galerinë që ishte detyruar të mbyllej prej masave të koronavirusit.
Piktura quhej “Kopshti i Manastirit në Nuenen në Pranverë 1884”, dhe është ende e humbur.
Policia tha se nuk ka publikuar të gjitha pamjet për mbrojtjen e hetimeve të tyre. Drejtori i muzeut tha se dyert e thyera nga vjedhësi ishin aprovuar nga një kompani sigurie.
Policia thotë se nuk është e qartë nëse autori ka pasur një bashkëpunëtor, por janë duke kërkuar një furgon të bardhë që shihet të largohet pas grabitjes.
Piktura e vjedhur ishte marrë hua nga muzeu Groninger i qytetit të Groningen.
