Presidenti i Kosovës Hashim Thaçi është larguar mbrëmjen e sotme nga Klinika Urologjike e Kosovës, pas një operacioni që ka kryer.
Presidenti publikoi në llogarinë e tij në Facebook foto teksa del në këmbë nga spitali, me djalin dhe një mjek, dhe lajmëron se do të ndjek trajtimin mjekësor në shtëpi.
“Sapo jam liruar për trajtim në shtëpi, pas një intervenimi që kisha sot në Klinikën e Urologjisë së Qendrës Klinike Universitare të Kosovës. U jam shumë mirënjohës mjekëve dhe stafit për trajtimin profesional. Po ashtu, i falënderoj të gjithë miqtë dhe përkrahësit që më kanë shkruar dhe janë interesuar për gjendjen time shëndetësore”, shkruan Thaçi.
