Tom Hanks e fitoi betejën e tij me Covid-19. Tashmë beteja e tij është një tjetër: të japë kurajo për ata që kanë më shumë nevojë. Aktori amerikan i ka shkruar një letër një vogëlushi, i cili thotë se bullizohet çdo ditë nga shokët dhe shoqet, vetëm sepse emri i tij është Corona. 8-vjeçari, i shkroi vetë aktorit të famshëm të filmit “Toy Story” dhe bashkëshortes së tij Rita Wilson, pasi ata deklaruan se janë infektuar me Covid-19.
“Dëgjova në lajme se ju dhe gruaja juaj jeni prekur nga koronavirusi. A jeni mirë?”
Më pas vogëlushi shkruante se e donte dhe e pëlqente shumë emrin e tij Corona por tashmë në shkollë e quajnë Koronavirus. Në përgjigjie të djaloshit 8 vjeçar, Tom Hanks e nis letrën e tij “I dashur miku im Corona…”
“Letra jote, na bëri të dyve, mua dhe bashkëshorten time të ndihemi shkëlqyeshëm. Faleminderit që je një shok kaq i mirë. Miqtë e mirë e bëjnë njëri tjetrin të ndihen mirë, edhe kur janë të mërzitur”.
Hanks dhe bashkëshortja Rita janë rikthyer në SHBA pasi kaluan 3 javë në karantinë, pasi u prekën nga Covid-19 në muajin mars. Aktori fitues i çmimit Oskar i thotë mikut të tij 8 vjeçar se ai është i vetmi person që njeh, me emrin Corona, njësoj si unaza që rrethon diellin. Djaloshi 8-vjeçar pushtoi mediat këtë javë për shkak të bullizmit të ushtruar ndaj tij për emrin Corona, që për koeçidencë, në këtë periudhë, mban emrin edhe virusi vdekjeprurës Covid-19.
