Kur premiera e aventurës më të fundit e agjentit 007 James Bond, “No time to die” u anulua për shkak të shpërthimit të koronavirusit, bota e kinematografisë por jo vetëm, u tronditën.
Por ky do të ishte vetëm fillimi. Premierat e filmave “Wonder Women 1984”, “Black Widow”, “No time to die”, “Mulan”, “F9”, “A quiet Place, part 2” etj u shtynë por tashmë për secilën prej tyre, ka një datë të re në kalendar.
Hollivudi po vuan izolimin duke frenuar prej gati 2 muajsh prodhimet e reja por shpreson të sigurojë fitime marramendëse pas premierave, që rikthehen në ekranin e kinemasë këtë vjeshtë.
“Soul” shfaqet premierë më 19 qershor. Odisea e mjuzikëllit të animuar çel e para sezonin e ri, si për të mos fundosur Disney-n me shtyrje deri në vjeshtë apo edhe më larg, në vitin 2021. Prodhimi i suksesshëm i Disneyt “Mulan” shfaqet në kinema nga 24 korriku, ndërsa data e parë ishte 12 marsi.
Kritikët e kanë vlerësuar prodhimin si drithërues dhe magjepsës. “Wonder Woman 1984” parashikuar për t’u shfaqur premierë më 24 mars, është shtyrë tashmë për në 14 gusht. “Monster hunter” shfaqet në kinema më 4 shtator, “The Kong’s Man” më 18 shtator, “without Remorse” më 18 shtator, “Candyman” më 25 shtator, “Halloween kills” më 16 tetor, “Black Widoë” shfaqet në kinematë e mbarë botës më 6 nëntor.
Bashkë me të rikthehet në ekranin e madh këtë dimër edhe “Captain Marvel”, “Thor”, “The black Panther” dhe “Doctor Strange”. “Godzilla vs King” rikthehet në prodhimin më të ri më 20 nëntor ndërsa data për premierën e “No time to die” është 26 nëntori. Miliona fansa kanë pritur me padurim rikthimin e “Top Gun: Maverick”.
Për këtë producentët kanë zgjedhur të presin krishtlindjet e ardhshme, me premierën e parashikuar më 23 dhjetor. Ndaj, kurseni para. Rikthimi në normalitet mund të jetë më i bukur dhe më i lehtë duke shijuar kinemanë, me mbi 40 prodhime të reja, ende në pritje për tu shfaqur.
